Naktukah all-party meeting nei dawn

Sorkar laipui chuan parliament budget session, January 28 aṭanga neih ṭan tur pualin naktuk Thawhlehni hian all-party meeting a ko. Session ṭan ni hian president Droupadi Murmu chuan Lok Sabha leh Rajya Sabha ṭhutkhawmah thu a sawi ang.

February 1-ah union budget chu finance minister Nirmala Sitharaman-i'n a zawna vawi kuana turin a pharh dawn a ni. Ruahman lawk dan chuan budget session hi April 2 thleng neih a ni dawn a, a thawh khatna hi February 13 thleng niin, chawlh lailawk hnuah March 9-ah chhunzawm a ni ang.

All-party meeting hi Parliament House Annexe committee room pui ber ah chawhma dar 11-ah ṭan a ni dawn a, parliamentary affairs minister Kiren Rijiju-a'n a kaihruai dawn a ni. Session ṭan hma nia all party meeting neih hi tihdan phung pangngai niin, hei hi session awm turah eptu party leh rorellai party-te inkara thawh hona ṭha a awm theihna atan, house pahnihah rorelna tluang taka a kal leh sawi ho tur pawimawh zual ngaihtuahna atana hman ṭhin a ni bawk.