India leh Canada-in oil lama indawr tawn remti

Indian leh Canada chuan an inkara inhmuh thiam lohna awm chinfelna ni pah fawmin oil huanga insumdawn tawnna huang zauh an remti. Ram pahnihte oil hmanga insumdawn tawnna tur hian Canada energy minister Tim Hodgson leh petroleum and natural gas minister Hardeep Singh Puri-te chuan thuchhuah inṭawm siamin inremna neih a nih thu an tarlang a, hruaitu pahnihte hi Goa-a India Energy Week hmanah nimin khan an inhmu bawk.

Canada hian India hnenah crude oil, liquefied natural gas leh liquefied petroleum gas a lei tir anga, India chuan petroleum product thlitfim tawhte chu Canada-ah hian a thawnlet ve thung dawn a ni. Insumdawn tawnna tur hi US-in chhiah lak a tih pun hnua Canada-in bungrua thawn chhuah zau zawka a kalpui theihna tura hmalakna pawimawh tak a ni.

Hodgson leh Puri-te chuan investment lian tham zawk neih chu an inhuam ve ve a, oil bakah energy sector energy sector dang hydrogen, biofuel, battery storage, critical minerals, electricity system leh energy industry-a artificial intellgence hmanna kawngah thawh hona ṭha nei zel tum a ni bawk.