Jio-in faknaa PM thlalak dah phalna a nei lo

Prime Minister Office (PMO) chuan Reliance Jio chu print leh electronic advertisement a tihchhuaha Prime Minister Narendra Modi thlalak hmang turin phalna pek a nih loh thu a sawi.

Jio fakna atana PM thlalak hman a nih chungchang hi Samajwadi Party MP Neeraj Shekhar chuan a zawt a, hei hi Minister of State for Information and Broadcasting Rajyavardhan Singh Rathore chuan Rajya Sabha-ah ziakin a chhang a ni. Minister chuan sorkar laipui pawhin Reliance Jio-in PM thlalak an hman hi a lo hre tawh tih a sawi a, hemi hmang tur hian PMO chuan phalna a pe lo a ni, a ti.

Minister chuan sorkar policy leh prog≠ramme chungchangah advertisment tihchhuahte chu Directorate of Advertising and Visual Publicity (DAVP) in a buaipui tih a sawi a, mahse sorkar advertisement chauh a tichhuak a, mimal advertisement a tichhuak ngai lo tih a sawi. Shekhar-an Jio chunga action lak a nih dan tur a zawhna chu chhangin, Rathore chuan action lak theihna tur dan, Emblems and Names (prevention of improper use) Act 1950 chu Ministry of Consumer Affairs, Food and Public Distribution kuta awm a nih thu a sawi.