ATM nuai 1.80 siam ṭha tawh

Ram chhunga ATM nuai hnih chuang awm zinga nuai 1.80 chu pawisa note thar, Rs 500 leh Rs 2,000 note pe chhuak thei turin siam
ṭhat a ni tawh.

Pawisa note thar pa≠hnih hi a note hlui aia a tet zawk avangin ATM-te hi siamṭhat phawt loh chuan a pe chhuak thei lo a ni. Hei vang hian November 14 khan RBI deputy governor SS Munda kaihhruai hnuaiah task force dinin, ATM zawng zawng chu November 30-a siamṭha vek hman tura tih a ni. Mahse hun tiam chhung hian ATM hi siam ṭhat vek hman a ni lo a, 90% vel erawh chu hman theiha siam ṭhat hman a nih thu ATM manufacturer NCR Corporation mana≠ging director Navroze Dastur chuan a sawi.

Dastur chuan ATM siamṭhat hna hi mi 40-60 ten thawkin, chawhrualin ni khatah ATM 12,000 an siam hman niin a sawi. La siamṭhat loh awmte pawh ni 10 chhungin peihfel hman vek an nih tur thu a sawi. Task force-ah hian ATM siamtu NCR, Diebold Nixdor, cashin transpit company leh service provider aiawhte pawh telh an ni.