Bangladesh-in Teesta Water Agreement ziah fel beisei

Bangladesh chuan an ram Prime Minister Sheik Hasina-iín India ram a zin hunah, ram pahnihten Teesta tui insemna tura inremna an siamte chu an ziahfel theih beisei a nih thu a sawi.

Sheik Hasina-i hian India chu an ram ṭhianṭha tak a nih thu leh, hun rei tak an thawh dun tawh thu a sawi. Kawng hrang hrangah ram pahnihte chuan thawhdunna tura inremna pawh an siam tawh a, tuna Teesta tui insem tur chungchang inremna siam tur, hun rei tak tikhawtlai tawh pawh chu tihfel a nih thuai tawh dawn niin a sawi.

Bangladesh Liberation War laia India-in an ram a puihna te chu an theihnghilh ngai lo a, India chungah an lawm hle tih a sawi bawk.

Sheik Hasina-i hi December 17 hian ni hnih cham turin a rawn zin dawn a, India ram a tlawh hnuhnun ber chu kum 2010 kha a ni. Kum 2010-a a rawn zin ṭum khan ram pa≠hnihte chuan joint manifesto 50 zet an tichhuak a ni. Ram pahnihte inhriatthiam lohna hrang hrangte pawh chinfel a ni a, mahse tun thlengin Teesta Treaty chungchang hi tihfel lohin a la awm.