Ramchhung Lawrkhawm

Aziz leh Doval-te inkawm

Heart of Asia conference hmang≠a rawn zin, Pakistan Fo≠reign Affairs Adviser Sartaj Aziz chuan Inrinni zan khan Sada Pind-ah National Security Advisor Ajit Doval a hmu.

Hruaitu pahnihte hi minute 30 chuang an inkawm a, an thusawi dunte erawh puanzar a ni lo. Nimin khan Aziz hian Afghanistan President Ashraf Ghani pawh Amritsar-ah a hmu a, Afghanistan rama remna leh muanna a awm theih dan turte an sawidun a ni.

Kolkata shopping mall-ah kang mei chhuak

Kolkata khawpuia South City Mall-ah nimin zing khan kangmei a chhuak a, thi leh hliam erawh an awm hriat a ni lo.

Kangmei chhuahna hmunah hian kangṭhelh motor panga tirh an ni a, Disaster management team pawh tirh nghal an ni bawk. City Mall chhawng thumnaa ei siamna hmun aṭangin kangmei hi a chhuak nia hriat a ni. Kangmei chhuah lai hian dawr te hi an la inhawng hman lo. Morning film erawh tihchhuah a ni a, mahse heng hmuna awmte hi hmun him lamah lak≠chhuah vek an ni.

RBI Governor-in Rs nuai hnih a hlawh

Reserve Bank of India (RBI) Governor Urjit Patel chuan thla khatah cheng nuai hnih chuang hret a hlawh a, in lamah staff pek a ni lo.

RTI zawhna a chhannaah, RBI chuan Governor Urjit Patel hi car pahnih leh driver pahnih pek a ni a, mahse in lamah hnathawktu erawh pek a ni lo, a ti. September thla
aṭanga RBI Governor hna chelhtu, Patel hian October thla khan thla pum hlawh atan cheng nuai 2.09 a la a, Governor hlui Dr Rajan pawh khan hemi zat hi August thla khan a la a ni.