India rama investment ti turin PM in a sawm

Prime Minister Narendra Modi chuan foreign company-te chuan India rama oil and gas sector hnuaiah investment ti turin a sawm a, kum 2040-ah India economy chu a let nga zeta a ṭhan chhoh beisei a nih thu a sawi.

Nimina New Delhi-a Petrotech 2016 a hawnnaah he thu hi sawiin, PM chuan manufactu≠ring, transport, civil aviation leh sector dangahte nasa taka ṭhan chhoh beisei a nih thu a sawi. Hemi rual hian mi retheiten an hman phak turin India chuan energy a mamawh hle a ni, a ti.

Sorkar laipui chuan kum 2018, March thlaah ram≠chhunga chhungkaw tin chu electric eng pek hman a tum a, kum nga chhungin mi maktaduai 10 hnenah gas connection pek a tum bawk tih, Modi chuan a sawi. Sorkar laipui chuan khawchhak lam, bial hnufual zawkte tan gas pipeline thar a siam mek tih a sawi a, kum nga chhungin pipeline km 30,000-ah siam a tum tih a sawi.

PM Modi chuan sorar chuan kum 2022-ah ramdang aṭanga oil a lakluh chu 10% a tihniam a tum a, gas-based economy siam tumin hma a la mek a ni, a ti.

Petrotech 2016 hian ni thum a awh dawn a, he hunah hian ram 68 aṭangin palai 6,000 chuang an tel beisei a ni.