RBI-in Rs 50 leh Rs 20 note thar ti-chhuak dawn

Reserve Bank of India chuan Rs 50 leh Rs 20 note thar a tichhuak dawn tih a sawi. A note hlui chu tih thih a ni dawng chuang lo a, hman chhunzawm theih reng a ni ang.

RBI chuan thuchhuah siamin, ì Reserve Bank of India chuan Rs 20 note thar, Mahatma Gandhi Series-2005 chu a tichhuak thuai dawn a, RBI Governor Dr Urjit R Patel-a signature leh, banknote tihchhuah kum ë2016í te a chuang dawn a niî, a ti. RBI-in a hmaa Rs 20 note a lo tihchhuah tawhte chu a thi dawn lo a, hman theih reng a ni dawn tho tih a sawi bawk.

Rs 20 note ang bawkin, Mahatma Gandhi Series-2005 in Rs 50 note pawh tihchhuah thuai a ni dawn bawk a, hetah pawh hian RBI Governor Dr Urjit R Patel-a signature leh, a print kum ë2016í te tihlan a ni ang. Rs 50 note hlui pawh hman chhunzawm theih a ni dawn a ni.