SC-in zirlai hmeichhiate a thlawna sanitary pad sem turin ti

Supreme Court chuan nimin khan state leh Union Territory-te hnenah private leh sorkar sikul zawng zawngah zirlai hmeichhiate chu a thlawna bio-degradable menstrual sanitary pad sem ṭhin turin a hriattir.

Justice J.B. Pardiwala leh R. Mahadevan awmna bench chuan state leh UT sorkarte chu zirna in zawng zawngah zirlai mipa leh hmeichhiaten tan a hrangintoilet a awm awm tih enfiah turin a ti bawk. Sorkar sikul leh private sikulah pawh, toilet chu ṭha tak a awm vek tur a ni, a ti. Toilet ṭha tak leh, zirlai hmeichhiate hnena sanitary pad a thawna pek an nih loh chuan sorkar chu mawhphurtuah ngaih a ni dawn tih a sawi bawk.

Court chuan zirlai hmeichhiate mamawh ang a awm ṭha lo leh, thla tina thi an neih chungchang ngaihdan dik lo awmte chuan an hriselna, zirna leh an mimal nun thengin a nghawng thei tih a sawi. Hei vang hian thi an neih laia an mamawh angte chu school chuan a pe tur a ni, a ti.