J&K-ah firfiak lakah beihpui thlak chhunzawm

Jammu and Kashmir-ah Jaish firfiakte chetna a thlen chhoh leh avangin security force-ten beihpui thlak hna an kalpui mek a, hei vang hian Jammy division-a Chenab Valley huam chhunga Kishtwar district hmun ṭhenkhatah internet service tihtawp a ni.

January 18 khan Singhpora ramhnuaiah security force leh firfiakte an inkap a, firfiakte birukna hmun pawh hmuh chhuah a ni bawk. He hmunah hian eirawngbawlna gas cylinder bakah ei tur tam tak an chhawp an hmu a, security force-te hian a tichhe nghal a ni. January 22 leh January 25 khan siapi leh firfiakte hi ram hnuaiah an inkap leh bawk.

Kishtwar hi J&K-a hmun sang laia awm niin, hmun tam zawkah vur a sur nasa hle. Hei vang hian security force tan pawh firfiakte birukna hmun, hmkun sang lam chu thlen a harsat phah nia ngaih a ni. Hetih lai hian firfiakte hi man chhuah tumin ngawrh takin an bei mek a ni.

Home Department chuan Jammu and Kashmir himna atan leh, dan leh thupek ṭha taka kenkawh a nih theihna atan te, India ram beih tumte venna atan te internet service tihtawp lailawk a nih thu a sawi.