Palestinian refugee-te ṭanpuina pe dawn

Sorkar laipui chuan Palestinian raltlante ṭanpuina turin UN relief agency hnenah dollar maktaduai 1.25 pek a tiam.

United Nations Relief and Works Agency for Palestine Refugees in the Near East (UNRWA) 2017 budget atan hian donor 20-teín ṭanpuina pek an tum thu an puang a, India pawhin kum khatah agency hnenah hian dollar maktaduai 1.25 hi a pe dawn tih a sawi a ni.

UN-a India Permanent Mission First Secretary, Mahesh Kumar chuan agency Ad Hoc Committee meeting-ah he thu hi sawiin, Palestinian-te buaina tun thlenga chinfel sak an la ni lo chu pawi a tih thu a sawi. Middle East biala buaina awm chho reng chuan refugee-te harsatna a belhchhah a ni, a ti.

Palestinian raltlante sum lama ṭan≠pui≠tu,UNRWA chu sum lamah a indaih tawk lo a, hmabak tih tur tam tak a nei reng bawk a, hei vang hian India chuan Palestinian mite ṭanpui nan a theihtawp a chhuah a ni, a ti. UNRWA hian Jordan, Lebanon, Syria, West Bank leh Gaza Strpi-ah kum 65 chhung chu Palestinian raltlan maktaduai 5.3-te chu kawng hrang hrangin a
ṭanpui ṭhin. September thla khan agency chuan sum lam indaih lohna nasa tak a tawk tih sawiin, ṭanpuina sum an dawn loh chua kumin kumtawp thlenga hna thawh zuina pawh a harsa dawn tih a sawi a ni.