Ram pawn lam aṭangin Rahul-a twitter khawih sak

Congress party leh Rahul Gandhi-a twitter account khawih buai sak chungchang chu Delhi Police cyber cell-in chhui mekin, heng twitter khawibuaitu IP address panga an hriatchhuah chu ram pawn lama awm vek an ni.

Twitter chuan Delhi Police hnenah information hi pein, account khawih buaitu IP address chu US, Romania, Canada, Thailand leh Sweden ram ami te an ni tih hriat a ni. Investigator-te chuan heng ram panga-a server hotute hnenah twitter khawih buaitu hi chhui turin an ngen dawn a ni.

November 30 zan khan Rahul Gandhi-a twitter hi khawih sak niin, a tuka December 1-ah Indian National Congress (INC) official account chu khawih sak leh a ni bawk. Twitter khawihtute hian ṭawngkam chhe tak takte an post a ni.