NIA-in Nagrota-a army base beih chungchang chhui dawn

National Investigating Agency (NIA) chuan November thlaa firfiakten Jammu and Kashmir-a Nagrota-a Indian army base an beih chungchang a chhui dawn.

November 29-a firfiakten army base an beih ṭum khan sipai pasarih an that a, an zingah hian officer pahnih an tel. Army base beitu firfiakte hi police uniform nen an inthuam a ni.

Union Home Ministry thupekin NIA hian army base beih chungchang hi Nilaini aṭang khan a chhui ṭan a, FIR report hmasa ber a siamah chuan camp beitu firfiakte chu tu te nge an ni hriat an la nih loh thu leh, ramdanga thawhpui nei an nih thu an tarlang.

NIA thuchhuah chuan,îRalthuam rip tak nena in≠thuamin, firfiakte hian ram≠pawn lama an thurualpuite thupek angin Nagrota-a Army Camp hi an luhkhung a, sipaite chu tihhlum ngei tumin an silai kente chu an pawng kah a niî a ti.

Army base beih chung≠changah hian Ranbir Penal Code or RPC section 120B, 121 leh 307 bakah Arms Act, 1958 section 7 leh 27 hnuaiah thubuai ziahluh a ni.