Andaman-ah khualzin la tangkhang

Andaman and Nicobar Islands-a ruahsur nasa vanga khualzin tangkhangte hruai chhuak tura lawng lian pahnih tirh chu khaw chhiat avangin an kir leh a, thliarkarah hian khualzin eng emaw zat an la tang mek a ni.

Lt. Governor Jagdish Mukhi chuan khual≠zinte harsatna tawh mek chinfel dan ngaihtuahin sorkar thuneitute, tour operator, hotel association leh senior official-te chu ṭum eng emaw zat meeting a neihpui tawh bawk.

Khualzin tangkhang mekte hi khaw awmdan a ṭhat chhoh a, an kalchhuah theih hma chuan an thlenna hotel-ah ṭheuh ei leh in a thlawna pek an ni ang.

Thuneitute chuan Ministry of Defence hnenah khualzin tang mekte hi hmun him lama hruai chhuah an nih theihna tura thlawhtheihna ngaihtuah sak turin an ngen.

Directorate of Shipping service-in Port Blair aṭanga Havelock Island-a lawng lian pahnih a tirh chu khaw chhiat avangin kawng chanve vel an thlen hnuah an kir leh a, navy lawng lian pali tirhte pawhin tuifawn a nasat avangin Havelock hi an la thleng thei lo a ni.