Court-in Jaya-i bungrua a la kawl

Tamil Nadu Chief Minister hlui J Jayalalithaa-i bungrua leh a thil neih ṭhenkhat, kum 1996-a tax official-teín an man chu Karnataka court kutah a la awm.

AIADMK hruaitute chuan Jaya-i bungrua man sak chungchangah hian Supreme Court chuan thutlukna a siam thuai an beisei thu an sawi a, pekchhuah a nih hunah Jaya-i hriatrengna hmunah dah an tum a ni. Court hian nakkuk June thlaah thutlukna a siam beisei a ni.

Karnataka court-in Jaya-i bungrua a la kawl≠sakte hi hmun pa≠hnihah dah niin, po≠lice-teín an veng reng a ni. An thil man zing≠ah hian saree 10,500, pheikhawk 750 leh wine glass 500 a tel. Hengte hi City Civil Court building chhawng hnuai berah dah a ni a, police pali-in an inven chhawk a ni. Heng burngruate hi kum 2002 khan income tax department chuan sorkar kutah a hlan a, hemi hnu hian he thubuai hi Tamil Nadu aṭangin Karnataka-ah sawn a ni bawk.

Bungraw dahna vengtu police-te chuan room chhungah hian eng nge awm tih an hre lo. Room chhungah bungraw dahṭhat zingah hian rangkachak tlereuh kg 21.28, silver bungrua kg 1,250, lunghlu cheng vaibelchhe hnih hu leh silver ngunhnam pawh a tel nia sawi a ni.

Jaya-i hian a ro chungchangah thuro chhiah engmah a hnutchhiat loh avangin a thil neihte hi tu kutah nge hlan a nih dawn a la hriat loh. Jaya-i hausakna hi kum 2015, April thlaah khan cheng vaibelchhe 113.73 hu nia puan a ni a, heng zingah hian khawih chet theih cheng vaibelchhe 41.63, khawih chet theih loh cheng vaibelchhe 72.09 hu a tel a, a thih lai hian pawisa faiin Rs 41,000 a kawl bawk.