Parrikar-a’n Mamata lehkha a thawn

Defence Minister Manohar Parrikar chuan West Bengal Chief Mi≠nister Mamata Banerjee-iín an state national highway-a toll booth-a Indian army dah a sawisel chungchangah nimin khan Bengal CM hi lehkha a thawn.

Parrikar chuan a lehkha thawnah hian state sorkar phalna nei lo leh hriattir loin sipaite dah luh a ni tia CM Banerjee-iín a sawi chuan sipaite hming a tichhe thei dawn a ni tiin, sorkar laipui beihna atana sipai a hnuklut tel chu pawi a tih thu a sawi. Sipaite chuan Kolkata-ah routine exercise an nei niin a sawi a, hei hi state sorkar leh police-te pawhin an hre lawk vek tih a sawi. Parrikar pawhin CM chuan state sorkar hnuaia a buaipuitu bikte zawtchiang se chuan sipaite thiltih tur hi a hre ngei dawn niin a sawi bawk.

Nimin kha Kolkata-ah Indian Army pawhin press conference a buatsaih a, state inrelbawlnaa sipai an inrawlh nia puhna chu thu dik lo a nih thu an sawi. Major General Sunil Yadav chuan an puhna chu thu dik lo a nih thu sawiin, sipaite chuan hmarchhak state zawng zawnga data awmte lakkhawm hna an thawk mek a ni, a ti. Hei hi West Bengal chauh ni lo, hmarchhak state-a data collectio point 80-ah kalpui a nih thu a sawi.