Bihar topper scam: Diwakar Prasad a thi

Bihar School Examination Board (BSEB)-in kumina Class 12 exam a buatsaiha dik lo taka thiltih anih chung≠changa inhnamhnawiha puh, Diwakar Prasad chu police-te laka a tlanchhiatna lamah hliam tuarin, damdawi-inah enkawl a nih hnuin a boral.

Police-te chuan Ninga≠ni khan BSEB exam-naa answer sheet supply chung≠changa dik lo taka tender pekna kaihhnawihah Prasad hi man tumin an kal a, mahse Prasad hian police-te hi tlanchhiatsan a tumna lamah step-ah lumin hliam na tak a tuar a ni. Prasad-a hian Patna-ah printing press a nei a, a press pawh hi dapsak a ni tawh.

BSEB Class 12 exam-ah hian humanities stream-ah Bishundeo Rai College ami, Ruby Rai-i chu pakhatna a ni. Mahse TV news channel-in a kawmnaah, Rai-i hian a subject lak pakhat political science chu a sawi thiam lo a, ëprodikal scienceí tia sawiin, ei siamna lam zirna niin a sawi bawk. Hei vang hian exam buatsaihah hian thil dik lo a awm a ni tih hailan a ni ta a ni.

State sorkar chuan exam buatsaiha thil dik lo awm chhui chiang tur hian Special Investigation Team (SIT) a din a, candidate ṭhenkhatte answer sheet chu forensic examination tih tura thawn an ni bawk.

Humanities stream-a pakhatna, Rai-i leh Science topper Saurabh Kumar-te chu exam nawn tir an ni a, mahse an exam nawnnaah hian an fail ve ve a ni.

Result dik lo taka siamnaa inhnamhnawiha puh, BSEB chairman Lalkeshwar Prasad Singh, a nupui JD(U) MLA hlui Usha Sinah leh board official dangte chu manin, jail-ah tantir an ni tawh. Arts leh Science-a topper-te kalna, Bishundeo Rai college-a Secretary Bachacha Rai pawh man a ni tawh bawk.