Kerala-ah puak thei thil box phurtu pick-up man

Kerala-a Palakkad khaw huam chungah Nilaini zanlaiah khan Walayar-Vadakkenchery National Highway-ah police-ten puak thei thil box za chuang phurtu, pick-up van an man tih an tarlang. Palakkad Town South police station-a officer chuan pick-up van aṭang hian gelatin stick box 100 leh a tihpuahna box 20 chuang an man tih a sawi.

Puak thei thil mante hi dawnfawh phurhna hnuaiah dah a nih thu officer-te chuan an tarlang a, pick-up van khalhtu hi thu zawhfiah tura man nghal a ni. Thu zawhfiahna ṭhenkhat aṭanga a landanin driver hian heng box-te hi Coimbatore aṭanga a phurh tih sawiin, Thrissur-a quarry-ah dah a tum thu a sawi niin police lam hian an tarlang.

Police-te hian pick-up van-in puakthei thil tam tham tak a phur tih thu an dawn bawhzui hian dapchhuah beihpui hi an lo thlak a, ding tura an tih hnuah pawh a din mai duh loh avang hian an in um hrep hnuah man a ni thei ta a ni. Police-te chuan driver lakah hian Explosive Substances Act hmanga thubuai ziah luh a nih thu an sawi.