Tamil Nadu CM atan Sasikala dah duh

Tamil Nadu-a rorel lai, AIADMK chuan an party hotu ber, J Jayalalithaa-i a thih hnua amah thlaktu atana an thlan, VK Saiskala-i chu chief minister atana dah an duh.

Pathianni khan Jaya-i phumna, Marina Beach-a Peravai-ah party hotute chuan meeting neiin, Sasikala-i chu CM a nih theihna atana by-election neih turah chuh turin resolution an siam. An resolution siam hi Tamil Nadu Revenue Minister RB Udhayakumar chuan Sasikala-i hi a chenna inah a hlan a ni. Sasikala-i hi Jaya-i in, Poes Garden-ah a cheng zui zel a ni.

Chief Minister O Panneerselvam leh Lok Sabha Deputy Speaker M
Thambidurai bakah party hruaitu hrang hrangte chuan Sasikala-i hian party hotu lu, General Secretary hna chelh a, party hruai hna chelh turin an lo nawr reng bawk.

Pervavai meeting-ah hian state chung hmun hrang hrangah partyhruaitute an tel a, secretary leh minister-te an tel bawk. Jaya-i an ui thu te, midangte tana a inpekna leh a hnathawhte an fakna bakah, a thih hnua a hmun ruak luah tura party-in Sasikala-i a rintawk thu te resolution an siam a ni. Jaya-i thlan tlawha mipui kalte chu ei tur an sem nghal bawk a ni.