Ramchhung Lawrkhawm

PM sawiseltu kut thlak

Delhi chhimchhak lam Jaitpur bial a, bank pakhat aṭanga pawisa lachhuak tura hun rei tak intlar a ngaih avanga Prime Minister Narendra Modi-a sawiseltu mi pakhat chu kut thlak a ni.

He thil thleng vang hian police-ah complaint thehlut a ni. Police-te chuan kum 45 mi, Lalaln Singh Kushwaha chu TV lei tuma a chhuak chu ATM-ah pawisa lakchhuah tuma thui tak intlar an awm hmuh chuan Modi-a vang veka thleng niin a sawi a, hei vang hian intlar zinga mi pakhat chuan kut thlakin a pawisa pai, Rs 6000 pawh a laksak niin a sawi. Police-te chuan he thil thleng hi an chhui chiang mek a ni.

Jaya-i hnenah Bhatna Ratna hlan turin PM ngen dawn

Tamil Nadu Chief Minister O Panneerselvam chuan Prime Minister Narendra Modi-ah hnenah an CM hlui thi ta, AIADMK hotu J Jayalalithaa-i hnenah civil mi chawimawina sang ber, Bhatna Ratna hlan tura a ngen tur thu a sawi.

CM Paneerselvam hian Parliament complex-a Jayalalithaa-i lim dah tura ngenna pawh PM hnenah hian a thlen nghal dawn a ni. Jaya-i hnena Bhatna Ratna hlan tur leh, Parliament complex-a a lim dah tura ngen hi state cabinet meeting chuan a lo rel tawh a ni.

Parliament complex-ah hian Tamil Nadu hruaitu pawimawh pahnih lim dah a ni tawh. AIADMK founder leh Tamil Nadu chief minister hlui ni bawk MG Ramachandran leh union minister leh DMK hruaitu hlu Murasoli Maran limte a awm a ni. MGR hi kum 1987 khan a thi a, a t thih hnuah Rajiv Gandhi-a kaihhruai sorakr chuan Bhatna Ratna a hlan a ni.

Panneerselvam hian an state-a thlipui tlehin chhiatna nasa tak a thlen avangin Central National Disaster Fund hnenah chhawmdawlna cheng vaibelchhe 1,000 pe turin sorkar laipui alo ngen tawh bawk a, cheng vaibelchhe 500 chu state sorkar hnenah hian pek chhuah a ni tawh.