CAB duh loh vangin IPS officer a bang

Indian Police Service officer, Maharashtra cadre Abdur Rahman chuan Citizenship (Amend­ment) Bill chu India ram Constitution innghahna kalh a ni tiin, he bill a duh loh vang hian a hna aṭangin a bang. 

Mumbai-a thawk mek, Maharashtra State Human Rights Commi­ssion-a Inspector-Gene­ral of Police Abdur Rah­man hian Nilaini zana Rajya Sabha-a Citi­zenship (Amend­ment) Bill pass a nih hnu lawkah khan a Twitter kaltlangin a hna aṭanga a ban thu a puang nghal a, CAB chu a sawisel zui bawk. 

Thawhṭannia Lok Sabha-a pharh a nih pawh khan a lo sawisel tawh a, home minister Amit Shah chu thudik tawk loa midangte hrilh leh, India ram history tibawrhbangah a puh a ni.