India-US trade deal-ah loneitute hum an ni: Shivraj Singh Chouhan

Union minister for agriculture and farmers welfare Shivraj Singh Chouhan chuan Inrinni liam ta khan National Pulses Conference-ah thu sawiin, India leh US insumdawn tawnna tura inremna lailawk neih (interim Trade deal) ah loneitute leh worker-te himna lam ngaihpawimawh a nih thu a sawi.

Chouhan chuan inremna lailawk siam chu mi tam zawkin harsatna leh buiana awm thei leh chhiatna dang thlen zawk tur angin an ngaih thu a sawi a; mahse, he inremnaah hian loneitute chu a theihna lai zawng zawnga hum an nih tlat thu a tarlang. Inremna neih chuan India tan hlawkna a thlen tur thu leh thlai thar zawng zawngte chu loneitute tana hlawkna thlen thei tur a duan a ni, a ti.

India leh US chuan Inrinni liam ta zing khan thuchhuah inṭawm siamin, inremna lailawk atana ruahmannate duan fel a nih tawh thu an tarlang a, Bilateral Trade Agreement neih theihna tura hmalakna kalpui chhunzawm reng a nih thu an sawi bawk.