Eptu pawlin LS speaker lakah no-confidence motion put luh tum

Congress party president Mallikarjun Kharge kaihhruaa eptu ṭangrual pawl INDIA bloc meeting, nimina neihah Lok Sabha speaker Om Birla-a'n Congress MP-te house chhunga ṭawng a phal loh leh thil sawi hona neih ve a rem tih loh avangin speaker lakah hian rintawk lohna 'No-confidence motion' put luh chungchang an sawi ho.

Speaker Om Birla chuan presdient Droupadi Murmu Motion of Thanks sawi honaah LS-a Leader of Opposition Rahul Gandhi chu thu sawina hun neih ve a remti lo a, hemi avang hian INDIA bloc chuan meeting hi an ko zui nghal a ni. Meeting-ah hian eptu MP-te an tel ṭha hle. Speaker rintawk lohna motion theh lut tur hian MP 100 bawrin an hming ziaka an pawmpui a ngai dawn a ni.

Parliament budget session neih mekah rorel lai BJP leh eptu pawl member-te inkar boruak a sosang hle a,lungawi lohna, leh in auh buaina a chhuah fo avangin rorel mumal loin ṭhutkhawm vawi eng emaw zat tihtawp a lo ni tawh bawk.