Telangana Congress candidate-in thilpek pe kir turin ti

Telangana-a Aswara­opeta municipality huam chhung, Hyderabaad aṭanga km 300 vela hlaa awm Congress candidate chuan an ward inthlanna neih turah pawisa leh pressure cooker a semte chu inthlana a tlin zawh leh tak loh avangin a thilpek dawngtute chu pe kir turin a ngen. A thusawi avang hian mipui lungawi lo chuan an cooker dawnte hi kawngpuiah an thehthang zui a ni.

Congress candidate hian inchhung bungrua leh pawisate a sem a, mahse mipuite chuan an ngen leh phut vang ni loa a sem a ni a, an tlin zawh tak loh avanga thil pek tawh a dil let chu mipui zah lohna a ni, an ti. Police-te chu buaina sosang zel tur bengdai tur hian an inrawlh zui nghal bawk.

Political analyst-te chuan tun hnai kum liam ta chhung khan inthlan vuakveta bungrua leh pawisa sem a hluar hle thu an tarlang a, mahse, bungraw sem tawh lak kir leh tumna erawh a thleng khat hle thung niin an sawi. Tualchhung official lam pawhin candidate lakah hian complaint an theh luh tawh thu an sawi a, ward 10-naa chengte pawhin hmalak chhunzawm zel an tum tih an sawi.

Thil thleng hian municipal inthlan vuakvetah Model Code of Conduct (MCC) chu candidate-ten an bawhchhe nasa ṭhin hle tih a tilang a, police-te chuan MCC bawhchhiat avang hian mi eng emaw zat an man bakah FIR thehluh 142 a awm a, vote zawnna atana hman an thil man hlut zawng hi Rs vbc 3.09 a tling a ni.