Munich Security Conference-ah EAM leh ramdang FM-te inkawm

Munich Security Conference, Munich, Germany-a neih meka tel, external affairs minister(EAM) S. Jaishankar chuan conference chhim tura tel ram hrang hrang foreign minister-te nen inkawmna hun an hmang. Inkawmna hi US kaihhruaia Russia leh Ukraine inkar sawi hona neih karlakah neih a ni.

Jaishankar leh Ukraine foregin minister, Sybiha-te chuan Russia leh Ukraine inkar buaina chungchang an sawi dun bakah thawhdunna leh inremna bakah sumdawnna lam thuk zawka tihzauh a nihna tur an tichiang nghal. Sybiha chuan X kaltlangin Jaishankar nen an inbiak thu hi tarlangin, US kaihhruaia remna leh muanna thlen tir tumnaah India chu awmze nei zawka hma la theitu a nih thute a sawi.

Austria leh Serbia foreign minister-te nen pawh inkawmna hun hmangin, Jaishankar hian thawh dunna ṭha zawk neih dan turte a sawipui bawk.

Union finance minister Nirmala Sitharaman pawh conference-ah hian a tel a, European Central Bank (ECB) president Christine Lagarde nen an inkawmnaah India leh EU Free Trade Agreement (FTA), kumin January-a pawm tak hmawr bawkna lam an sawi dun nghal.

Sitharaman chuan EU-India FTA inremna neihah hian ECB chuan sumdawnna huangah financial role pawimawh tak a chan tur thu a sawi a; Union Budget 2025-26 leh 2026-27 siamah pawh India chuan EU bank-ten FTA neih hmang hian kum li chhungin branch 15-an hawn theih tur thute a tarlang a ni.