Civil Aviation minister-in ram dang report awh lo turin chah

Union minister of state for civil aviation Murlidhar Mohol chuan kar hmasaa Italy media-in nikuma Air India thlawhtheihna chetsualna chhan a report chungchangah ram dang report chu pawm mai lo turin a chah. Italy media chuan thlawhtheihna chetsual chhan hi pilot tihluih vang niin an tarlang a ni.

Ahmedabad-a Air India thlawhtheihna chetsualna thleng chungchangah hian Mohol chuan investigating agency lamin an chhui mek tih sawiin, mipuite chu heng agency-te laka rinna nghat ngam turin a chah. Hei bakah hian report chu a hmawrbawk fel a nih hunah chauh thil thleng chungchang chu zeldin zui chauh chi zawk a nih thu a sawi lang bawk.

Aircraft Accident Investigation Bureau (AAIB) chuan Zirtawpni liam ta khan thlawhtheihna chetsualna chhui chian hna chu la kalpui mek a nih thu sawiin; zirchianna an lo neih tawh ṭhenkhat chu thil dik lo a awm avanga tihtawp a nih thu an tarlang. Hemi avang hian agency chuan chhui chianna chu la zawh fel loh, hna kal lai mek a nih thu an tarlang a; zawhfel a nih hunah international kalphung zulzuiin chanchin kimchang tihchhuah tur a nih thu an tarlang.