Kerala leh Punjab-in CAB duh lo

Kerala chief minister Pinarayi Vijayan chuan an state-ah Parliament-in a pass tak, Citizenship Amendment Bill (CAB) hman ve a nih dawn loh thu a sawi.

Vijayan hian CAB hi sakhuanaa inthliarhranna a nih avangin an state chuan engtikahmah a pawm theih dawn loh thu sawiin, mipuite thliar hrang thei 'dan' chu an state chuan a duhloh hulhual thu a sawi tel bawk. India chhim lama awm Kerala-ah hian mihring vaibelchhe 3.48 vel an cheng mek a, chung zinga 54.73% chu Hindu an ni. Muslim hi 26.56% an ni a, Kristian hi 18.38% an ni bawk. A dang  0.33%-te hi sakhaw dang zuitute leh sakhua nei lo te an ni. 

Punjab chief minister Captain Amarinder Singh pawhin a kaihruai sorkar chuan an state-ah CAB hi hman a remti ve dawn lo tih a sawi. Singh chuan India rama sakhaw tinte intluktlanna chu he dan hmanga tihchhiat hi Punjab sorkar chuan a duh lo thu a sawi.