Uttar Pradesh-ah thingkung 6,800 kih phalsak

Uttar Pradesh-a Gautam Buddha Nagar hmuna Jewar Airport siam meka thingkung 6,800 te chu kih phalsak an nih thu, Yamuna Expressway Industrial Development Authority chuan a tarlang. 

"Forest department aṭangin heng thingkungte kih phalna kan hmu a, chutihrualin keini lam pawhin thingkung 68,000 phunna tur atan, Forest department-te hi  cheng vaibelchhe khat kan pe let dawn a ni," tiin Yamuna Expressway Industrial Development Authority CEO Arunvir Singh chuan a sawi.

Jewar hmuna airport siam mek 'Nodia International Greenfield Airport' hi November thla khan Zurich Airport International AG chuan a thawh hna leh enkawl hna kum 40 chhung atan a kalpui tur thu sawi a ni. Delhi International Airport ai pawha passanger leng hnem tura duan tum a ni.

He airport hian hectare 5,000 zau a awh dawn a, airport sakna tur atan hian cheng vaibelchhe 29,560 duan a ni bawk. A thawh khatna atana ram an hman tur zauh lam hi hectare 1,334 a ni a, hemi atan hian pawisa pawh cheng vbc 4,588 duan a ni. Kum 2023-a siamzawh hman tura ruahhmanna kalpui mek a ni.