Forbes hmeichhe thil tithei list-ah Nirmala Sitharaman

Forbes-in khawvela hmeichhe thil tithei top 100 list (Forbes world’s 100 most powerful women) a tihchhuah zing­ah India ram aṭangin finance minis­ter Nirmala Sitharaman, HCL Corpo­ration CEO leh Executive Director Roshni Nadar Malhotra leh Biocon Founder Kiran Mazumdar-Shaw-te an lang.

Nirmala Sitharaman hi Forbes list siamah hian a la lang ngai lo a, India rama hmeichhe finance minister hmasa ber hi 34-na a ni. Nadar Malhotra hi 54-na a ni thung a, Mazumdar-Shaw hi 65-na a ni ve bawk. Forbes 2019 list of ‘The World’s 100 Most Powerful Women'-ah hian German Chancellor Angela Merkel chu pakhatna  a ni a,   European Central Bank president Christine Lagarde chu pahnihna niin, US House of Representatives Nancy Pelosi chu pathumna a ni ve bawk. Bangladesh prime minister Sheikh Hasina pawh langin 29-na a ni.