PM Modi leh Japan PM inbiak hun tur sawn
Prime minister Narendra Modi leh Japan prime minister Shinzo Abe-te'n December 15-17 inkara Assam khawpui Guwahati-a inbiakna neih an tum chu sawn hlat a nih thu India leh Japan official-te chuan an sawi.
Guwahati-a Citizenship (Amendment) Bill duh lohna lantirnain ziaawm lam a pan theih loh avangin India leh Japan chuan ram hruaitute inbiakna neih hun tur chu sawn hlat a nih thu nimin khan an puang. External affairs ministry thupuangtu Raveesh Kumar chuan Japan PM Shinzo Abe-a'n India tlawh tura ruahmanna awmsa chu, ram pahnihin sawn hlan an remti tih a sawi a, a hun leh ni tur erawh tarlan a ni lo.
Hmarchhak hmun hrang hrangah CAB duh lohna lantirnain ziaawm lam a pan thei lo a, Ningania President-in a pawmpui hnu phei kha chuan nasa lehzualin mi pahnih an thih phah tawh. Japan team, Guwahati-a thil awmdan enfiaha kalte pawh Ningani khan hotel-ah an la awm a, thlawhtheihna service thlenga nghawng a neih avangin an buai hle. Shinzo Abe lawmna banner tar ṭhenkhat chu duh lohna lantirtute hian halin an pawt thler bawk.