Foreign Secretary Vikram Misri leh Bangladesh LoP inkawm

Bangladesh sorkar thar lak luhna hmanpuia zin, foreign secretary Vikram Misri chuan nimin khan Bangladesh-a Leader of Opposition leh Jamat-e-Islam Ameer ni bawk, Dr. shafiqur Rahman a kawm a, mipui thleng phak thawh dunna nghet zawk neih chungchangte an sawi dun nghal. Bangladesh-ah hian prime minister thar Tarique Rahman kaihhruai sorkar thar lak luh a ni.

Misri leh Shafiqur Rahman-te hian ram pahnih thawh dunna tur chungchang sawiin, nunphung lamah pawh thuk taka inzawmna nei an nih thute a sawi. Hei bakah ram pahnih inlaichinna chak zawk siam chu thil beiseiawm tak a nih thu an sawi dun bawk. Foreign secratry Misri chuan Bangladesh PM thar pawh hmu nghalin India-in a thlawp tur thu a hrilh.

Bangladesh sorkar thar lak luhnaah hian Lok Sabha speaker Om Birla pawh a telin, Birla chuan Bangladesh thlawp tura an inpeih reng thu leh ram thawhpui ṭha tak, hmasawn leh huam zau ni ngei tura a duhsak thute a hrilh nghal a ni. Birla chuan PM Modi-a'n hruaitu thar India-a zin tura a sawmna pawh a hlan nghal bawk.