Odisha-a Dalit hnam chenna 'eng leh tui' pek titawp

Odisha-a Balangir thingtlang khuaa Dalit hnam ho chennaa tui leh kawlphetha pek chu tihtawp niin, helai biala chengte chuan chi inthliarna vang a nih thu an sawi. Helai hmuna chengte chuan ni eng emaw zat chhung chu tui pekna pipe chu tihchhiat a nih thu leh streetlight-te pawh off vek a nih thu sawiin, an veng chu tui leh eng awm lohnaah an siamsak tih an sawi.

Hetih laiin heng lai biala cheng ve tho, Dalit ni ve lo hnam ṭhenkhat chuan tui leh engte hi an neih thu an tarlang thung. An harsatna hi sorkar lama chingfel tura thlen a nih tawh thu leh nung dama awm tura an dikna chanvote hmuh let ngei an beisei tih an tarlang.

Kantabanji huam chhunga thuneitu, Bisnath Khalkho chuan heng harsatna thlenna hmunte chu mi thiam zawkin an tlawh tur thu sawiin, a ṭul anga hmalak a nih tur thu a sawi. Tui leh eng awm loh avang hian nitin khawsak kawngah harsatna an tawk nasa a, tui pek chu tiam an nih hnuah tun thlenga pek an la nih loh thu an sawi lang bawk.