Karnataka CM-in a cabinet tilian

Karnataka chief minister BS Yediyurappa chuan a cabinet tilianin minister atan mi pasarih a ruat belh a, nimin tlai khan minister tharte hi rinawm­na thu tiam tira lakluh nghal a ni. He hi BS Yediyurappa-a'n kum 2019-a CM dinhmun a chelh hnua a cabinet a tihlen ṭum thumna a ni. 

Cabinet tihlen a nih tak avangin thla 18-a upa BSY kaihhruai sorkar chungchanga buaina an neih ṭhin  pawh a ziaawm chhoh beisei a ni. Nikum khan Yediyurappa hi a kum upat deuh tawh avang leh, chhan dang eng emaw avangin CM a nihna aṭangin ban a ni dawn nia thuthang pawh a awm nasa hman hle a, hei bakakh hian BJP high command lamin hun eng emaw chen minister ruat belh an remtih loh avangin party hotu lianten an ring tawk tawh lo nia sawi thawm pawh a awm bawk. 

Mahse BSY hian theihtawpa hma lain, Delhi-ah union home minister Amit Shah, BJP national president JP Nadda leh party Karnataka in charge Arun Singh-te a hmu a, cabinet tihlen a ṭul dante a sawipui hnuah an remtihpui thei ta a ni.