PM Modi-an Israel pan, Knesset-ah thu sawi dawn

Prime minister Narendra Modi chuan ni hnih cham turin nimin khan Israel a pan a, a cham chhungin Israel parliament Knesset-ah thu a sawi dawn a, India PM zinga Knesset-a thusawi hmasa ber a ni dawn a ni.

PM Modi hian Israel a tlawh vawi hnihna tur niin, tun ṭumah hian security, economic, leh technology huanga ram pahnihte thawh dunna tihchak lam thlurbing tum a ni. Modi hi Israel prime minister Benjamin Netanyahu sawmnaa zin a ni a, Netanyahu nen hian sumdawnna leh investment bakah ram pahnih mipui in laichinna tih ṭhatna turte an sawi dun bawk ang.

India hi Israel-in Asia ram zingah sumdawnna huanga a thawhpui ram lian ber dawttu a ni mek a, ram pahnih insumdawn tawnna hlut zawng hi kum 2025 chhung khan USD tld 3.26 a tling pha a ni. Modi chuan Israel leh India inlaichinna neih chu fakin India-in a foreign policy-te a tihdanglam phah tih a sawi.