India leh Nepal-in sik leh sa danglam zel tur venna atan MoU ziak

India leh Nepal chuanNilaini khan environment venhimna, ramngaw humhalh leh sik leh sa inthlak danglam zel tur venna atana thawh dunna turin memorandum of understanding (MoU) an ziak. MoU ah hian union minister for environment Bhupendra Yadav leh Nepal cabinet minister for forest and environment Madhav Prasad Chaulagain ten hming an ziak.

Ram pahnihte inremna hi heng nungcha venhim, ramngaw, sik leh sa, leh kan chhehvela thilnung hrang hrang awmte venhim kawnga thawh dunna tihhmasawnna atana tih a ni. Hei bakah hian ramsate tualchaina hmun tuaithar, technical lama thiamna inṭawm leh tihdan ṭha inthleng tawnte chu an thawh dunna tur hian a huam tel bawk. Inremna hian ramngaw leh venhim ngai bik enkawlna kawngah hna thawh a tiawlsam dawn a ni.

India leh Nepal hian ramri inṭawm an neih ang bawkin ram leilung leh ramsa cheng ṭhahnem tak an inṭawm a, hemi avang hian hetiang lam venhim leh humhalh kawngah hian thawh dunna tihchak chu a pawimawh hle a ni. MoU ziah hian ram pahnihte inkar chu thuk zawka a tihngheh theih rin a ni a, hemi kaltlang hian leilung hausakna awmte pawh daih rei zawk turin a enkawl theih dawn bawk a ni.