India leh EU-in kum nga chhung MFN nihna inpek tawn remti

India leh European Union chuan free trade agreement neih tur, hman theiha peihfel a nih veleh Most Favoured Nation (MFN) nihna inpek ve ve an remtih thu Inrinni liamta khan an puang. Hmalakna thar hi inremna ziahah khan tihtel niin hemi hmang hian World Trade Organization (WTO) dan hnuaiah nghet zawkin an thawh dun theih beisei a ni.

Ram pahnih inremna hi kum 18 chhung ngawt inbiakna neih hnuah tihfel theih a ni a; hei bakah hian EU parliament leh India thuneitute'n endikna leh tihfel ngai hrang hrangte an tihfel hnuah kumin chhunga hman theih beisei a ni bawk.

Inremna kaltlang hian bungraw hrang hrang chawk luh leh thawn chhuah turte aṭanga chhiah lak chu 96.6% dawnah tihtlem a ni dawn a, hemi hmang hian EU-in India bungrua a chawk luh aṭangin kum 2032 hmain kumtin Euro tld 4 a hum theih beisei a ni.