Pawisa hlui deposit theih zat bithliah

Sorkar laipuiin Rs 500 leh Rs 1,000 note a tih thih hnuah, heng pawisa note hluite hi December 30 thleng bank account-ah deposit theih a ni. Mahse Reserve Bank of India chuan pawisa note hlui hi account pakhtaah Rs 5000 aia tam ṭum khat chauh deposit theih a ni tih a sawi.

RBI chuan bank account-a pawisa note hlui Rs 5,000 chuang ṭum khat aia tam deposit dawn chuan official pahnih hnenah, a hmaa an lo deposit hman loh chhan an sawifiah a ngai a, official-te lungawi theihna an sawifiah theih chauhin an dah lut thei dawn niin a sawi.

Pawisa note tih thih a nih hnu hian petrol pump leh sorkar service bill hrang hrang pekna atan hman chhunzawm phal a ni a, mahse December 15 khan heng hmunah pawh hian pawisa note hlui hi hman theih a ni tawh lo.

Sorkar laipui chuan pawisa hlui deposit theih zat tur bithiliah a nihna chhan sawiin, black money leh a lakluhna hriat loh sum tam tham tak account-a dah luh tur venna a ni tih a ti.

RBI chuan Rs 5,000 chunglam deposit tur chu KYC comliant a nih chauhin account-ah dah luh a ni dawn tih a sawi. Hemi hma hian sorkar laipui chuan sum dahluh theih zatah bihthliah a siam lo a, mahse ṭum khata pawisa note hlui cheng nuai 2.5 chuang dah lutte chu chhiah an pek dante enfiah a nih tur thu a sawi a ni. Pawisa note tih thih a nih hnuah, investigator-te chuan fake account-a dah luh tam tak an lo haichhuak tawh a ni.