Kashmir-ah sipai 87 an thi tawh

Kumin chhungin Jammu and Kashmir-ah sipai 87 thah an ni tawh a, an zinga 71 chu Kashmir Valley-a thi an ni.

Kum 2008 khan J&K-ah hian sipai 90 thah an ni a, hemi hnuah kumin hi kum khat chhunga sipai thi an tam leh ber kum a ni.

Terror-watch data site SATP chuan kar kalta thleng khan sipai 84 thah an nih thu a tarlang a, mahse data tihchhuah a nih hnu Inrinni khan Kashmir chhim lam, Pulwama district-a Srinagar-Jammu highway-ah firifakten army convoy beiin sipai pathum an thi leh a ni. Heng mi pathumte nen hian J&K-a sipai thi zat hi 87 an tling a ni. J&K-ah sipai 87 thah an nih bakah hian, kumin chhungin ramchhung hmun hrang hranga pawikhawihna hlengah siapi 30 chuang zet thah an ni tawh bawk.