NIA-in JeM hotu lakah chargesheet thehlut

Kumin January thlaa Pakistan firfiakten Pathankot air base an beih chungchangah, National Investigation Agency (NIA) chuan Pakistan firfiak pawl, Jaish-e-Mohammed (JeM) hotu Maulana Masood Azhar chu a bultumtu berah puhin a lakah chargesheet an thehlut.

NIA chuan Masood Azhar bakah a nau, Rauf Asghar pawh thubuai a siamsak a ni. NIG DG Sharad Kumar chuan, ìKan team-teín pawikhawihna thleng hi uluk takin an chhui a, JeM firfiakte leh an hotute inhnamhnawih dan finfiahna document rintlak tak tak pawh kan lakhawm a niî a ti. Azhar-te unau bakah hian Mor Aminabad Gujrawala-a cheng Shahid Latif leh Charsada-a cheng Kashif Jaan-te pawh thubuai siamsak an ni bawk.

January 2-a Pathankot air base beih a nih hnu lawk khan Asghar hian video message tichhuakin, he pawikhawihna thlenga a bultumtu ber chu a unaupa Azhar a nih thu leh a chhuan thute a lo sawi lang tawh a ni.