Kerala HC-in zu dawra hmeichhe thawh phalsak

Kerala High Court chuan foreign zu zawrhna dawra hmeichhia-te an thawh ve a phalsak.

Kerala state sorkar chuan zu dawra hmeichhiate hna an thawh hi a khap a, mahse court chuan state sorkar khapna siam hi ram danpui palzutna a ni tiin, a hnawlsak a ni.

Ramdang siam zu zawrhna dawra hmeichhiate hna thawh khapsak an nih chungchangah hian High Court-ah petition thehluh a ni. Petition thehluttu hmeichhiate chuan Kerala State Beverages (Manufacturing & Marketing) Corporation Ltd-a peon/helper an lak tur an thlanaah pawh inlanin, thlanchhuah tura chhawpchhuah zingah an tel tih an sawi. Mahse sorkarin thupek a siam avangin he corporation-a an hna chu pek an ni ta lo tih an sawi a ni. Kerala Public Service Commission pawhin thuchhuahs siamin, he hna ruakah hian hmeichhia lak theih an ni lo tih a sawi bawk a ni.

Court-in state sorkar thupek a hnawlsak hnu hian, Kerala Public Service Commission pawh hriattirna a pe nghal a, corporation-a peon/helper atana lak tawhte pawh an rank list anga dah luh an nih theihna tura hma la tura hrilh turin a ti a ni.