Ramchhung lawrkhawm

Ragging vangin zirlai 21 suspend

Kerala-a Malappuram-a medical college zirlai 21-te chu zirlai kal tharte chunga ragging, intihduhdahna an lantir avangin suspend an ni.

Zirlai 21 te hian zirlai kal thar mi 40 velte chu an thawmhnaw phelh tirin toilet an tihfai tir a ni. He thil thleng hi police-teín an chhui chiang mek. Kerala-a Kottayam-a sorkar college pakhat zirlai panga chu zirlai pakhat thawmhnaw phelhsak a, kut an thlak avangin man an ni bawk. An zirlai khawih hi damdawi-inah dah a ni a, a kal a ṭha lo a, dialysis tih a ngaih phah bawk.

Hnathawkte hlawh pawsa faiin pe tawh dawn lo

Union cabinet meeting nimina neih chuan Pyament of Wage Act siamṭhat chungchang an ngaihtuah a, hnathawkte hlawh pawisa fai ni loin, cheque emaw, electronic mode emaw hmang chauha pek an remti.

Payment of Wage Act, 1936 siamṭhat rawtna hi December 15 khan Lok Sabha-ah pharh a ni a, nakkum Budget session neih hunah nawr chhunzawm leh a ni ang. Hemi hma hian sokar chuan oridance lo tichhuakin, Parliament-ah pass tura chhawp a tum a ni.

State ṭhenkhatah chuan he dan hi hman a ni a, Andhra Pradesh, Uttarakhand, Punjab, Kerala leh Haryana-te chuan hlawh hi cheque leh electronic transfer hmang vekin an pe tawh a ni.