Jaya-i’n Bharat Ratna a phu lo : Ramadoss

Tamil Nadu-a rorellai, AIADMK chuan an party hotu leh chief minister hlui, J Jayalalithaa-i chu civil mite chawimawina sang, Bharat Ratna hlan an phut a, Chief Minister Panneerselvam pawhin hemi chungchang hi Prime Minister Narendra Modi-a hnenah a thlen tawh a ni.

Hetihlai hian PMK Youth Wing hruaitu Anbumani Ramadoss chuam, he chawimawina hi sawisel kailo te hnenah chauh pek tur a ni, a ti. Union Health Minister hlui leh Dharmaphuri MP chuan, Bhatna Ratna chu sawisel kai lo leh ram hmasawnna tura mi thawhhlawk tak hnenah pek tur a ni tiin, he chawimawi dawng thei tura bihthliah hi Jaya-i hian a phak lo a ni, a ti.

Ramadoss chuan Jaya-i chu sum lakluh phu loa a hausak avang≠a Supreme Court-ah thubuai nei a ni a, Cheif Minister ṭanglai zinga jail tang awmchhun a ni, a ti. An state chu dinhmun harsa takah a dah a, Tamil Nadu state-in leiba a neih chu cheng vaibelchhe nuai 5.10 a tling a, a rorel laiin an state-a industrial growth chu ramchhung≠ah a hniam ber niin, agriculture lamah pawh an tlahniam zawk niin a sawi.