Najeeb Ahmed case : Police-te’n lie detector hmang dawn

Delhi Police-te chuan thla hnih chuang zet chin hriat loha awm tawh, Jawaharlal Nehru University (JNU) zirlai Najeeb Ahmed-a roommate Qasim thu zawhfiahnaah lie detector an hmang dawn.

Police-te chuan university campus-te ngawrh taka an dap hnuah pawh Ahmed-a chin hriat theihna tur eng thil mah an la hmuchhuak thei lo.

Hetih lai hian Ahemd-a, October thlaa chin hriat loha a awm aṭanga kar khat hnuah pawh Najeeb Ahmed tih hminga Facebook profile pahnih awm chu a la active reng a, hei vang hian Facebook lamah pawh hemi chungchang hi Delhi Police-te chuan ziakin an thlen tawh nia sawi a ni.

Police leh paramilitary force za chuang zet chuan Crime Branch hotute nen university campus hi ni hnih chhung an dap kual tawh a ni. Najeeb-a chhungte chuan Delhi police-te chu mi bo zawn ngai pawimawh har lutukah an puh a, Najeeb-a unaupa Mujeeb chuan, ìPolice-te hian tuna an tih ang hian a bo kar khatna aṭang khan an thawk tawh tur a ni. Tunah pawh hian court thupek vang chauha hetiang ti hi an niî a ti.

Najeeb Ahmed hi Akhil Bharatiya Vidyarthi Parishad (ABVP) activist ṭhenkhat nena an intihbuai hnuah, October 15 aṭang khan a chin hriat lohin a awm zui a ni.