MEA-in West Asia-a harsatna tawkte pui tur 'Control Room' siam

Ministry of External Affairs chuan tun hnaia West Asia leh Gulf huam chhunga buaina hrang hrang chhuak avanga India mi harsatna tawkte puihna turin 'Control Room' an siam. MEA chuan control room hi zing dar 9 aṭanga zan dar 9 thleng biakpawh theih a nih tur thu tarlangin biak pawp theihna tur number-te an tarlang tel. Hei bakah emergency thila embassy biak theihna number te pawh an tarlang tel bawk.

US leh Israel-in Iran an beih hnua West Asia-a buaina chhuak avanga India mi khualzin tangkhangte hruai kirna tur hian Civil Aviation pawhin Thawhlehni khan thlawhtheihna 58 ruahman a nih thu an lo puang tawh a ni. Khualzin tangkhang hruai kirna tur hian nimin aṭang khan thlawhtheihna tirh chhuah ṭan a ni.

Iran leh US buainain zual lam a pan tak zel hnuah India chuan Iran khawpui Tehran aṭangin India mi zirlai awmte chu hmun him lamah mi za chuang an sawn tawh bawk. MEA chuan India khua leh tui vaibelchhe khat dawn chu West Asian huam chhungah hian an cheng niin a tarlang. India chuan a mi leh sate himna turin, boruak inlumlet dan hrang hrang chu a theih ang anga an thlithlai reng tur thu an tarlang bawk.