Canada-in India zirlai tan USD mtd 100 scholarship ruahman

India leh Canada chuan thawh dunna tur huang an zauh zel hnuah nimin khan Canada chuan India zirlaite tan scholarship program USD mtd 100 a ruahman tih a puang. India zirlai tana funding thar siam hi ram pahnihten education leh talent partnership atana thawh dunna thar an siam tihhlawhtlinna peng pakhat a ni.

Funding chungchang hi kar hmasaa ram pahnih official-te inbiakna neihah khan puan a ni tawh a, a kalpuina tur tihchianna hi nimin khan puanchhuah a ni leh ta a ni. Scholarship program hnuaiah hian Canada-India Talent and Innovation Strategy chu kalpui tum niin, hei hi education leh research huanga thawh dunna tihchakna thlen thei tura ruahman a ni bawk.

Scholarship funding-a USD mtd 100 hmang hian India zirlai 200, Canada University-a zirte tan fully funded scholarship a pe thei dawn a ni. University of Toronto aṭanga pek chhuah tur niin, hetih laiin engtia dil tur nge, tunge dil thei tur, leh dil dan tur kimchangte erawh puanzar a la ni lo thung.