Swati Maliwal-i'n PM hnenah ngenna thawn

Delhi Commission for Women (DCW) chief Swati Maliwal chuan pawngsualtute thubuai ni 21 chhunga rel fel a, thi tura hremna pek an nih theihna tur, Disha Bill chu ram puma hman thuai a nih theih nan, prime minister Narendra Modi hnenah ngenna lehkha a thawn. 

He bill hi Andhra Pradesh Legislative Assembly chuan kar kalta Zirtawpni khan an state-a hman theih turin a pass tawh a ni. "Andhra Pradesh chuan he bill hi an pass theih chuan engvangin nge sorkar laipui pawhin a theih loh ang?", tiin a lehkha thawnah hian Maliwal chuan a ziak tel bawk a ni. 

Pawngsualtute khai­hlum tura phuttu Delhi Commission for Women (DCW) chief  Swati Mali­wal hian December 3 aṭang khan chaw a nghei a, nimin khan nikawhre loa a tluk avangin, Delhi-a Lok Nayak Jai Prakash Narayan (LNJP) Hospital-ah dahluh a ni. "Kg 8-in ka kg a tlahniam tawh a, ni 12 chhung chaw ka nghei tawh a ni. Disha Bill rampumah hman a nih hma loh chu chaw ka nghei zel dawn a ni," tiin Maliwal chuan a lehkhathawnah a ziak tel bawk.