Iron man of India thih champha pualin Narendra Modi leh Amit Shah-in thuchah an sawi

Prime minister Narendra Modi leh Union home minister Amit Shah-te chuan nimin khan 'Iron man of India' tia koh, deputy Prime Minister hmasa ber Sardar Vallabhbhai Patel thihchampha pualin thuchah an sawi.

"Kan ram tana a hnathawh ropui tak hi, India mipuite min ti phurtu a ni reng tawh ang." tiin PM Modi chuan a sawi. "A idea leh a hunlaia India mipuite tana hruaitu ṭha, Sardar Patel hi vawiin thlengin kan nunah min fuihtu leh zirtirna ṭha a thlen a ni. Eiruk dona kawngah te leh chi leh chi inthliarnaahte Modi kaihhruai sorkar chuan kan ramah muanna leh chakna a thlen a ni," tiin Amit Shah chuan Sardar Vallabhbhai Patel thihchampha pualin, a thuchah mipuite hriatah a sawi chhuak. 

Sardar Vallabhbhai Patel hian India-a princely state 562-te chu a ti pumkhat thei a, kum 1950, December 15 khan heart attack avangin a boral a ni.