India mi Gulf-a tangkhangte chhawmdawlna pe dawn

Prime minister Narendra Modi chuan nimina Kerala-a hmasawnna thlenna tur, 'Viksit Keralam' campaign a khuhhawnnaah India mi leh sa, Gulf huam chhunga tangkhangte chhawmdawlna pek a nih tur thu a sawi. Gulf huam chhunga Kerala mi, India khua leh tui eng emaw zat awmte tana hma lak a tiam nghal bawk.

PM chuan India mi harsatna tawk mekte chu him taka hruai kir an nih theihna turin an theih dan ang angin hma an la tih a sawi. India chuan a mi leh sa tumah a thlauhthla dawn lo, a ti.

US-Iran indona a thlen hnuah, Gulf ram hrang hrangah India mi tam tak an tangkhang mek a ni. Gulf ram paruk - UAE, Saudi Arabia, Qatar, Bahrain, Oman, leh Kuwait-ah hian India mi c heng vaibelchhe khat vel an awm a, UAE ramah ringawt pawh India mi nuai 35 chuang an awm.

Buaina a chhuah hnuaah West Asia aṭangin March 8 thleng khan India mi 67,000 chu an rawn haw tawh tih foreign minister S Jaishankar chuan a lo sawi tawh a ni.