Eptu pary hruaituten MP 8 hremna sut turin LS speaker ngen

Eptu party MP-te chu nimin khan parliament complex-a Makar Dwar hmunah pungkhawmin, Parliament session ṭan ni February 3-a Congress MP pasarih leh CPI-M MP pakhat suspend-na chu sut turin sorkar leh Lok Sabha speaker Om Birla an phut. Eptu party MP pariatte hi session neih laia House chhunga an khawsak dan a mawi loh avangin suspend an ni.

Congress general secretary KC Venugopal, SP hruaitu Dharmendra Yadav, NCP (SP) hotu Supriya Sule, DMK hruaitu Kanimozhi leh TMC MP Shatabdi Roy-te chuan Ningani khan suspend takte chungchang sawipui tur hian parliamentary affairs minister Kiren Rijiju an lo hmu tawh bawk a, Rijiju chuan hma a lak tur a lo tiam.

Parliament-a eptu MP pariatte hi house chhunga buaina siam a, speaker chu paper-a an vawm zui avangin April 2 thleng Parliament session-a tel thei lo turin suspend an ni. MP suspend-te hi Congress party MP - Gurjeet Singh Aujla, Hibi Eden, C Kiran Kumar Reddy, Amarinder Singh Raja Warring, Manickam Tagore, Prashant Padole leh Dean Kuriakose bakah S Ventakesan (CPI-M) an ni.