J&K-ah Iran beih a nih duh lohna lantir

Jammu and Kashmir-a Shia muslim tamna hmunah nimin khan US-Israel-in Iran an beihna duh lohna lantirna huaihawt a ni. Lungawi lohna lantir tumna thawm hriat hnuah Shrinagar leh valley hmun hrang hrang, a bikin Shia tamna hmunahte punkhawm khapna hi nimin zing lamah khan tihchhuah a ni.

Punkhawm khap a ni chungin lungawi lohna lantir hian mi tam tak an pungkhawm a, US leh Israel thawk dunin Iran an bei chu an dem thute sawiin an aurual bawk. Official-te chuan boruak ṭha lo thleng a awm lo niin an tarlang.

Nimin kha Ramzan thlaa Zirtawpni hnuhnung ber Juma-tul-Vida niin hemi pual hian pungkhawmte hian Palestine-te an thlawpna leh inpumkhatna tih lanna hun atan an hmang bawk a, ṭawngṭainate an hmang a ni. Thuneitute chuan buaina a chhuah lohna turin Nowhatta-a Jamia Masjid hmun hlui an khar a ni.